“ डेंगु रोगको कुनै खास उपचार र खोप हुदैन | त्यसैले डेंगु बाट बच्ने एक मात्र उपाय भनेकै लामखुट्टेको टोकाई बाट बच्नु हो | ”

अहिले नेपालको धेरै जसो ठाउहरुमा डेंगुको महामारी फैलिएको अवस्थामा अझ बढी सावधानी अपनाउनु पर्ने हुन्छ | डेंगुका लक्षण र बच्ने तरिकाहरुका बारेमा जानौं |

डेंगु लाग्न नदिन (लामखुट्टेको टोकाईबाट बच्न ) निम्न प्रक्रियाहरु अपनाउनु जरुरी छ :

पानी जम्न नदिने

लामखुट्टेले जमेको पानीमा फुल पार्ने हुनाले सकेसम्म लामो समयसम्म एउटै ठाउमा पानी जम्मा हुन नदिने र यदि कुनै पानी जम्न सक्ने भाडाकुडाहरु छ भने , त्यसलाई राम्ररी छोपेर राख्ने या नस्ट गर्नु पर्छ |

पुरै शरीर ढाक्ने कपडा लगाउने

लामो बाहुला भएका कपडाहरु, मोजा , टोपी र सकेसम्म छाला पुरै छोप्ने खालका कपडाहरु लगाउनु पर्छ |

लामखुट्टे निवारक क्रिम या साधन को प्रयोग

पुरै शरीरमा लामखुट्टे निवारक क्रिम लगाउने र लामखुट्टे भगाउने इलेक्ट्रोनिक साधनको प्रयोग गर्ने गर्नुपर्छ |

ढोका झ्याल बन्द राख्ने

झ्याल ढोकाहरु सकेसम्म बन्द राख्ने वा लामखुट्टे छिर्न नसक्ने गरी जाली /पर्दा या झूलको प्रयोग गर्ने गर्नु पर्छ |

डेंगुका लक्षणहरु:

• ज्वरो आउने
• टाउको दुख्ने
• आखाको भित्री (पछाडी ) भाग दुख्ने
• बान्ता आउने, रिंगटा लाग्ने
• जिउ दुख्ने
• गलेको महसुस हुने
• ४-७ दिनमा शरीरमा दादुरा जस्तै देखिने विवीरा आउने

यदि यस्ता कुनै लक्षणहरु तपाइँ र तपाईका वरपरका कोहीमा देखिएमा नजिकको स्वास्थ्य चौकी / अस्पतालमा परामर्श लिनुहोला |

डेंगु विरामीहरुको विशेष हेरचाहको लागि अस्पतालमा भर्ना गर्नुपर्ने हुनाले छिटो भन्दा छिटो परीक्षण गराउनु पर्छ |

थप जानकारीका लागि : क्लिनिक वान काठमाडौँ नेपाल | 9863393960 | 01-5400400
https://www.facebook.com/clinicone1/